глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Правило веры и образ кротости, воздержания учителя яви тя стаду твоему Яже вещей истина, сего ради стяжал еси смирением высокая, нищетою богатая, отче, моли Христа Бога спастися душам нашим.

Слава

глас 4
Во священницех священник явился еси Царя и Бога, богоносе, постником собеседник быв, отонудуже, срадуешися ныне ликом ангельским, отче, веселяся в Небесных, Сильвестре, славне пастырю, спасай любовию совершающия память твою.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.