глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Агница Твоя, Иисусе, зовет велиим гласом: Тебе, Женише мой, люблю, и, Тебе ищущи, страдальчествую и сраспинаюся и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовью пожершуюся Тебе. Тоя молитвами, яко Милостив, спаси души наша.

Слава

глас 2
Наста светоносный день чудесных подвиг твоих, страстотерпице преславная, днесь Божия честная Церковь празднует и созывает вопити тебе: радуйся, дево мученице Анисие всеблаженная.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.