глас 1
Умертвив плотския похоти, многим воздержанием и копанием гробов свя­тым, присно, аки мертв, в пещере живя, мертвыя повелением своим воздвизал еси, Марко прехвальне, мертви и наша мудрования плотская и настави нас на течение добродетелей, моля о нас Единаго Человеколюбца.

Слава

глас 8
Врача изрядна и чудотворца любовию, вернии, ублажим, просяще его: да молитвами своими уврачует наша страсти, душевныя и телесныя, имать бо на сие благодать от Бога, и прогонит духи лукавыя от всех, верно ко гробу его притекающих и зовущих: радуйся, Марко, целителю немощей наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.