глас 2
Страстотерпцы Господни, блажен­на земля, напившаяся кровьми вашими, и свята селения, приимшая телеса ваша: в подвизе бо врага победисте и Христа со дерзновением проповедасте. Того, яко Блага, молите спастися, молимся, душам нашим.

Слава

глас 2
Тверди душею по вере, святии, огнем страдания приемше две тьмы страдалец, вопиюще Рождшемуся от Девы: приими всесожжения наша за Тя, якоже дары персских царей, злато и смирну, и ливан, Превечный Боже.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.