глас 4
Подвигом добрым подвизался еси, первомучениче Христов и апос­толе, и архидиаконе Стефане, и мучителей обличил еси нечес­тие. Камением бо побиен от рук беззаконных, венец от яже свыше Десницы приял еси, и к Богу взывал еси вопия: Господи, не постави им греха сего.

Слава

глас 4
Царским венцем венчася твой верх от страданий, яже претерпел еси по Христе Бозе, мучеников первострадальче Стефане: ты бо иудейское обличивый неистовство, видел еси твоего Спаса одесную Отца, Того убо моли о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.