глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Чистаго ради и непорочнаго твоего жития, Богоносе отче Игнатие, приемый от Господа чудотворныя дары ис­целяти немощныя, исцели, молим тя, и немощи наша, моля о нас Единаго Че­ловеколюбца.

Слава

глас 1
Проходя, всеблаженне, добродетельми от силы в силу, и всех, с тобою сущих, оными превозвышая, всем служил еси, Игнатие, и угождал, тем избран был еси всем, в дому Божия Матери сущим, в старейшину и вождя, в чесом паче Господеви благоугождь и стадо Его добре упасши, молися о нас, чадех твоих.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.