глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Яко безплотных единовсельника и всем преподобным сообщника, всеславне Павле, поем тя и молим тя: молися всегда о нас, яко да обрящем милость.

Слава

глас 8
От юности, мудре, яже паче смысла вожделел еси мужески, мирский мятеж оставил еси и был еси Божественнаго ради жительства Троицы жилище и просветил еси верою приступающия тебе. Тем зовем: радуйся, Павле пребогате.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.