глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Мученицы Твои, Господи, во страданиих своих венцы прияша нетленныя от Тебе, Бога нашего, имуще бо крепость Твою, мучителей низложиша, сокрушиша и демонов немощныя деозости. Тех молитвами спаси души наша.

Слава

глас 2
Благочестия веры поборницы, злочестиваго мучителя оплевавше, обличисте зверообразное его кровопролитие, и победисте того яростное противление, Христовою помощию укрепляеми, Фирсе и Левкие, с пострадавшими, о нас молитеся.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.