глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Лик ангельский, Ангели новомучениче, и сонмы страстотерпец восплескаше выспрь твоему веры ради терпению и прекословию и дух твой по благомудрию возведоша на Небеса со славою ко Христу Богу нашему.

Слава

глас 3
Святаго тя мученик лик, Ангели, прия, ты же, на Небесех ныне радуяся, пострадал еси, и законно, благомудрый, посрамил еси мучителей безбожную силу, и венец взял еси нетления, оружием посеченный.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.