глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Добромученице Миропие и Христа невесто нетленная, ныне Емуже предстоиши, прекрасная, раны носящи пло­ти, яко камни светлы и светообразны, и в кровавую порфиру, яко царица, обле­ченная, преславная, умоли Его за ны, яже с любовию восхваляющия хвалы победными и песньми твою Божествен­ную страсть.

Слава

глас 3
По имени, о страстотерпице Миропие, миро источаеши благодати чудес и пасеши всех, подобающих и взыскающих и верою и добродетелию прибегающих к раце твоей пречестней, яже держит прах твой.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.