глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Блаженство плачущих получити же­лая, день и нощь непрестанно плакал еси, имея во уме час Судный, тем по кончине твоей обрел еси утешение на Небеси, преподобне Афанасие. Подаждь и нам плакатися зде грехов наших выну, яко да плача безконечнаго избывше, тамо приимем вечное утешение.

Слава

глас 5
Яко безсмертия тезоименит, по умертвии своем восстал еси жив, показуя же, яко зело люта есть смерть, плакался еси горько. Ныне обретши нескончаемую радость, молися о нас, яко да плача вечнаго избудем.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.