глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Святаго Эдуарда, добродетельми древле просиявшаго, и безвинно пострадавшаго, новоявленную память совершающе, и честным его мощем покланяющеся, в веселии возопиим: воистину дивен еси, Боже, во святых Твоих.

Слава

глас 4
Яко благоверный царь и светлый мученик, просиял еси в земли английстей, и нападшим на тя врагам Церкве и державы, претерпел еси раны и удары, и скоро прешедше ко Спасу нашему, ныне сотворяеши множество чудес верою призывающим: Христа Бога не престай молити отечество твое к вере Православней возвратити.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.