глас 4
Днесь ликовствует град Биробиджан и земля Дальневосточная радуется, совершающи память досточудных святых, в сих пределех Богу угодивших и за Христа пострадавших, тии бо ныне в чертозех светлых на Небеси Престолу Божию предстоят и молятся о спасении душ наших.

Слава

глас 3
Светом Христовым просветившеся и многими добродетельми обогатившеся, Православаную веру исповедасте и даже до смерти пострадасте, новомученицы и страстотерпцы славнии, темже в вере и благочестии нас утвердите, о Горнем помышляти научите, от искушений и бед избавите, да с любовию к вам взываем: радуйтеся, земли Среднеамурския теплии предстателие.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.