глас 8
От юности пути Христова вожделев, на горе, Богом избранней, вселился еси, идеже, множество иноков собрав, сонму христолюбцев светильник явился еси, душу же свою за ближния полагая, безбожными умучен был еси. Моли о нас Христа Бога, преподобномучениче Варлааме, чтущих святую память твою.

Слава

глас 4
Яко постника искуснаго и страдальца добропобеднаго, молитвенника усерднаго и наставника премудраго достойно почтим Варлаама приснохвальнаго, ты бо козни вражия низложил еси и венец правды от Бога приял еси.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.