глас 3
Земли Российския украшение, исповедниче отче Петре, в правей вере и благочестии пожил еси, верныя в годину гонений утешая и истине научая, узы, поношения и скорби претерпел еси и венец правды от Христа Бога приял еси. Сего ради молим тя: спасай нас молитвами твоими от всех бед и напастей.

Слава

глас 4
Первоверховному апостолу пастыря соименнаго, утешителя скорбящих и целителя немощных, хвалу и утешение наше днесь любовию восхвалим, вернии. Сей бо есть целитель доблий и молитвенник теплый о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.