глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Постнически предподвизався на горе, умная врагов ополчения всеоружием Креста погубил еси, всеблаженне, паки же ко страдальчеству мужески вооружился еси, убив Копронима мечем веры, и обоих ради венчался еси от Бога, преподобномучениче Стефане приснопамятне.

Слава

глас 3
Из неплодна, преподобне, корене возрасте ветвь, первострадальцу тезоимените, монахов наставник велик, отче, явился еси и, ярости не убоявся царя, не хотяща Христов чествовати образ: сего ради скончався, мученический венец приял еси, Стефане.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.