глас 5
Любовию к Богу распаляемь, жизнь свою мученически за Христа и ближних положил еси, сего ради венец правды от Него приял еси. Моли Всеблагаго Бога, священномучениче Иоанне, Церковь Святую сохранити в мире и спасти души наша.

Слава

глас 2
Восхвалим, вернии, изряднаго во священницех и славнаго в мученицех, Православия поборника и благочестия ревнителя, земли Русския красное прозябение, иже страданием небес достиже и тамо тепле молит Христа Бога спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.