глас 4
Днесь вернии людие града Дмитрова светло празднуют и вся Церковь Русская духовно торжествует, восхваляюще тя, священномучениче Серафиме, ты бо, заточение и страдания лютая претерпев, смерть мученическую за Христа приял еси и Царство Небесное наследовал еси. Темже, Престолу Пресвятыя Троицы предстоя, моли грехов оставление даровати нам, благочестно совершающим святую память твою.

Слава

глас 2
Воине Христов добропобедный, яко Серафим пламенный, любовию к Богу возгорелся еси, в посте и молитве подвизаяся, Саровскому чудотворцу подражал еси, заповеди же Божия исполняя, истинней вере люди наставлял еси, страдания за Христа претерпевая, единство церковное хранити призывал еси. Темже, сошедшеся в память твою, верою и любовию вопием ти: радуйся, священномучениче Серафиме, Церкве Русския похвало и украшение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.