глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Терпения столп был еси, ревновавый праотцем, преподобне: Иову во страстех, Иосифу во искушениих, и безплотных жительству сый в телеси, Алипие отче наш, моли Христа Бога спастися душам нашим.

Слава

глас 8
Яко добродетелей вину и постников удобрение, Церковь славит тя днесь и воспевает, Алипие. Молитвами твоими подаждь чтущим любовию доблести твоя и борения, лютых прегрешений избавление, яко тезоименитый.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.