глас 4
Кронштадскаго пастыря чадо духовное, Флота Черноморскаго окормителя, московския паствы похвалу и радование, исповедника православныя веры непоколебимаго, сохраньшаго в страданиих своих Бесценный Бисер - Христа, приидите, вернии, светло прославим священноисповедника Романа и воспоим ему: моли, пастырю добрый, Христа Бога спастися душам нашим.

Слава

глас 2
Яко звезда новая Церкве Русския явился еси, терпеливодушне священноисповедниче, Христа Бога прославляя и в нощи безбожия путь верным указуя. Темже молим тя: моли нам, сродником твоим, в вере православней утвердитеся и спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.