глас 3Духовному наставнику прилепився, отче Никоне, восприял еси мудрость старчества, в послушание же Христово себе предав, исповедническим житием Того прославил еси, и в лице святых Оптинских водворился еси, с нимиже моли Христа Бога спастися душам нашим.
Слава
глас 1Ум и сердце яко скрижали мысленныя послушанием угладил еси, на нихже перстом Божественным красота монашества вообразися, и слава Божия тя осени, во исповедании твоем просиявшая, Никоне, отче преподобне, Оптины пустыни хвало и утверждение, моли Христа Бога, спастися всем, благочестно тя почитающим.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
