глас 2
Преподобнеисповедниче отче, во дни гонений безбожных на Церковь Русскую поношения, заточение, изгнание и горькия работы Христа ради претерпел еси, и ничтоже разлучи тя от любве Божия. Таже благочестно в мире пожив, свидетельствовал еси Господа Иисуса Христа, Егоже моли спастися душам нашим.

Слава

глас 2
Яко звезда новая Церкве Русския явился еси, терпеливедушне преподобноисповедниче, Христа Бога прославляя и в нощи безбожия путь верным указуя. Темже молим тя: моли нам, сродником твоим, в вере православней утвердитися и спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.