глас 8
Возвысив ум твой к Богу, и жития со ангелы возжелел еси, тленную славу земную оставил еси, блаженне, и положил еси душу твою за люди твоя, восприял еси венец противу трудов твоих, богомудре Михаиле, моли Христа Бога о чтущих любовию святую память твою.

Слава

глас 2
Вышних ища и земную славу презрев, Церковь Божию обагрил еси твоею кровию, за Нюже и пострадал еси, святе Михаиле, заколение неправедное прием веселяся. Темже со ангелы предстоя Христу Богу, моли непрестанно за вся ны.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.