глас 2
Апостоли, мученицы и пророцы, святителие, преподобнии и праведнии, добре подвиг совершившии и веру соблюдшии, дерзновение имуще ко Спасу, о нас Того, яко Блага, молите спастися, молимся, душам нашим.

глас 1
Мира красная и славу его оставль, притекл еси в пещеру, идеже от силы преуспевая в силу, был еси вождь Христова стада, всеславне Варлааме, еже яко упас добре, упаси и нас, молим тя, со­храняя от всех зол, да тя ублажаем.

глас 2
Отеческаго прещения не устрашился еси, ласканиям того не повинулся еси, ниже лестию низложился еси женскою, всечестне Варлааме, но непобедим от тех пребыл еси, надеяся на Господа своего, Емуже молися о душах наших.

Слава

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.

И ныне

глас 8
Яко начатки естества Насадителю твари вселенная приносит ти, Господи, богоносныя мученики; тех молитвами в мире глубоце Церковь Твою, жительство Твое, Богородицею соблюди, Многомилостиве.