глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Мира красная и славу его оставль, притекл еси в пещеру, идеже от силы преуспевая в силу, был еси вождь Христова стада, всеславне Варлааме, еже яко упас добре, упаси и нас, молим тя, со­храняя от всех зол, да тя ублажаем.

Слава

глас 2
Отеческаго прещения не устрашился еси, ласканиям того не повинулся еси, ниже лестию низложился еси женскою, всечестне Варлааме, но непобедим от тех пребыл еси, надеяся на Господа своего, Емуже молися о душах наших.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.