глас 2
Благодатию священства украсився, добрый пастырь верным людем явился еси и, Христу даже до смерти последовав, венец жизни от Него приял еси. Темже ныне поминай нас, священномучениче Николае, и молися о спасении душ наших.

Слава

глас 6
Сродник и ученик преподобнаго Алексия явился еси, священномучениче Николае всехвальне, и, яко доблий воин Христов, куплю житейскую отринув, всего себе служению Церкви Божией посвятил еси и в чертог Небесный вшел еси, глаголя: под кровом Господа моего обрящу покой и заступление.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.