глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Из чрева матерня прекрасное все­ление бысть Святаго Духа, преславне Иоасафе, и от блаженнаго Варлаама безценный бисер, Христа, в сердце своем приял еси, и Божественным Крещением Индию просветил еси, отеческое же не­честие исправль, приведе его от тьмы ко свету Богоразумия и, оставив тленное на земли царство, пустыню достиг и сво­его учителя, темже на Небесех от Живоначальныя Троицы венцем царским венчася, моли о нас, чтущих честную твою память.

Слава

глас 8
Ведый твое от младенства Благое изволение, Иоасафе, Един Сердцеведец Бог, ибо от царствия земнаго во иноческое пребывание приведый тя, и великому Варлааму воследовати сподоби тя, и со ангелы с ним в Неизреченном Свете водворися; с нимиже Святей Троице предстоя, молим тя, царское красото, поминай нас, верою празднующих память твою!

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.