глас 5
Преподобнии новомученицы Вениамине и Никифоре, добрым подвигом во обители Соловецтей просиявше, наставницы братии в заветех иноческих явилися есте и, от безбожник беды и изгнание претерпевше, в пламени огня души своя Владыце Христу предали есте, Емуже ныне предстояще, молите спастися душам нашим.

Слава

глас 7
Божественными страдании, яже за Христа претерпевше, отцы всеблаженнии, яко злато в горниле души своя во огни очистили есте и во обители горния ко Владыце своему ныне преселилися есте. Сего ради прилежно чтим и ублажаем вас, преподобномученицы Вениамине и Никифоре.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.