глас 5
Христа Господа Иисуса верныя ученицы, Церкве Русския избранныя агницы, обители Алексиевския славо и украшение, преподобныя страстотерпицы Анно и Матроно, легкое иго и язвы Его любовию носяща, лествицею мучений к Нему, яко Небесному Жениху, востекли есте, Егоже молите сохранити в благочестии люди земли Русския и спасти души наша.

Слава

глас 4
Яко крини багряновиднии, посреде терний безбожия в земнем отечестве вашем процвели есте, преподобномученицы Анно и Матроно честныя, подвиги воздержания страданием украсивша, востекли есте к Небесному Жениху Христу, Иже увенча вы красотою славы нетленныя.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.