глас 2
Днесь восхвалим, вернии, Павла мученика и иерея славнаго, Устюже?нския земли благое прозябение, кровьми своими тую удобрившаго и душею к Горнему Престолу возлетевшаго, ныне в лице новомучеников веселящагося и молящагося о душах наших.

Слава

глас 4
Днесь воспеваем память твою, угодниче Божий, священномучениче отче Павле, добрый пастырю словесному стаду и славный страдальче Христа ради. Яко милостивый отец не остави нас, но Владыку всех прилежно моли, да спасет души наша.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.