глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 5
Иноческий крест мужественне подъемши и служением ближнему той украсивши, путем узким и прискорбным шествовала еси, святая Веро благохвальная, паче же венцем страдания увенчалася еси; сего ради Христу прилежно, мученице, молися, грехов отпущение нам даровати и душам нашим велию милость.

Слава

глас 1
Небесную славу паче земныя предпочетши, во обитель Страстную вселилася еси, идеже, усердно подвизавшися, страсти обуздала еси и терпение многое стяжала еси, любовию же ко Христу уязвившися, в жертву Тому себе принесла еси. Егоже моли, святая блаженная Веро, да с надеждой крест свой понесем, веру непорочну сохраним и любовь нелицемерну приобрящем во спасение душ наших.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.