глас 4
Днесь радуется земля Московская, восхваляющи священномученика пресвитера Михаила, во дни гонений небоязненно Христа исповедавшаго и многия люди в православней вере укрепившаго. Мы же, страдания того почитающе, с верою и любовию вопием: о пастырю верный и мучениче, молися о нас ко Господу, да помилует и спасет нас по велицей Своей милости.

Слава

глас 2
Яко верный служитель Божественных Таин, Михаиле мучениче добропобедный, ты усердно людем послужил еси и, Христа Воскресшаго исповедуя, даже до крове пострадал еси. Ныне же, в селениих Небесных пребывая, моли Человеколюбца Бога, спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.