глас 8
От юности восприял еси Христа в души твоей, преподобне, и паче всего вожделел еси мирскаго мятежа уклонитися, мужески в пустыню вселился еси, и чада послушания в ней, плоды смирения возрастил еси. Тем быв в Троице вселение, чудесы твоими всех просветил еси, приходящих к тебе с верою, и исцеления всем подая обиль­но. Отче наш Сергие, моли Христа Бога, да спасет души наша. &&&&&&&&&&&&&&& В чистоте жития источник слез твоих, исповедания трудовныя поты совокупил еси, и купель духовную источил еси, священный Сергие, преподобне, омываеши сугубстве, творящим любовию память твою, скверны обоямы душевныя и телесныя. Сих ради, чада твоя суще, вопием ти: моли, отче, Святую Троицу о душах наших.

Слава

глас 8
Яко безплотным равножитель, всех преподобных превозшел еси постническими труды и бдении молитвенными, мудре Сергие, тем восприял еси от Бога исцелити недуги и прогоните бесы и того ради вопием ти: радуйся, отче преподобне Сергие.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.