глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 8
В тебе, мати, известно спасеся еже по образу: приимши бо Крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней, темже и со Ангелы срадуется, преподобная, дух твой.

Слава

глас 2
Вышнюю жизнь возжелевши получити, дольнюю сладость тщательно оставила еси, и самую себе смесила еси посреде мужей, краснейшая, Христа бо ради Жениха твоего о обруцнице привременном небрегла еси.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.