глас 5Честное страдание ваше за веру святую Православную к веселию духовному вся люди созывает, священномученицы, Павле и Григорие, вы бо, землю Пермскую кровьми своими освятивше, любви совершенней научаете, душу полагати за Христа, Бога нашего, Светом Воскресения мир обновившаго.
Слава
глас 3Пастырю добрый Павле и святолепнаго служения рачителю Григорие, паству вашу словом просветившии, святыни Церкве Христовы зело возлюбившии и веры ради смерть мученическую приемшии, ныне землю Пермскую благодатию просвещаете и святыня ея бываете, мощми своими безсмертие проповедающе и исцеления точаще всем, с верою к вам притекающим.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
