глас 4
Словесем Павловым научившися, богоневестная Фекло, и верою утвердившися от Петра, богозванная первомученица явилася еси и первострадальница в женах, возшла еси на пламень, яко на место благоцветущее, звери и юнцы устрашишася тебе, вооружися бо Крестом. Тем моли, всехвальная, Христа Бога, спастися душам нашим.

Слава

глас 8
Девства добротою просияла еси, и мученичества венцем украсилася еси, апостольству вверяешися, дево, яко преславная; и огня убо пламень в росу преложила еси, юнца же ярость молитвою твоею укротила еси, яко первострадальная.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.