глас 4
От мирскаго, жития изшед в тихое пристанище жизни иноческия, преподобне Макарие, вшел еси, в нейже добре подвизався, душу твою добродетельми превысокими обогатил еси, и явился еси добр пастырь и учитель иноческому собору, емуже и обитель возградил еси, таже в безмолвие вшед и Боговидения сподобився, ко Господу преставился еси, Иже даром чудес тя обогати. Егоже ныне моли, да спасет верою и любовию почитающих святую память твою.

Слава

глас 8
Житие чистое, терпение, кротость и любовь нелицемерну, воздержание совершенное, умиление Божественное, веру и надежду истинну и милосердие стяжав, равноангельно Макарие, на земли пожил еси и на Небеси Богови с лики безплотных предстоиши. С нимиже, святе, молися, мир Российстей Церкви даровати и душам нашим велию милость.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.