глас 2
Пророка Твоего память, Господи, празднующе, тем Тя молим: спаси души наша.

Слава

глас 2
Пророк дивен показася, Божие повеление прием во образ тридневнаго Воскресения. В ките тридневен быв, неврежден от зверя изыде и явися светел проповедник Ниневии, великому граду. Сего ради тя радостно, Ионо, почитаем, яко человеколюбия Божия провозвестника.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.