глас 4
Торжество днесь празднуем светлое, се бо предлежит, о Всеблаженная, икона Твоя Всечестная, к ней же, любовию сердца вси приходяще, Владычице, покланяемся и тепло Тебе вопием: избави нас от бед и обстояний.

Слава

И ныне

глас 4
Во праздник Твой сошедшеся, вернии, священное ко славе Божией торжество Твое, Владычице, днесь всеблагоговейно совершаем, любовию же чтуще честную икону Твою, Тебе песнословим вси в радости: радуйся, Дево Честная Всеблаженная.