глас 6
В годину огненных искушений Церкве Русския, кротость и смирение стяжавше, любовь Христову к пастве своей явисте и, яко пастыри добрии, души своя за ню положисте. Молитеся о нас священномученицы Иоанне, Петре и Симеоне, ку?пно с мученицею Евдокиею, спасти и просветити души наша.

Слава

глас 2
Образ есте чтущим подвиги ваша, новии страстотерпцы Быковстии, исповеднически поприще земное претекшии. Вас бо ни скорбь, ни теснота, ни смерть от любве Божия разлучити возмогоша. Темже, страданьми дерзновение стяжавше, молитеся Христу, вас укрепившему, да и мы мужества дар от Бога восприимем.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.