глас 3От юности Бога усердно взыскавый, истину в Церкви Православней обрел еси, и крест пастырскаго служения ревностно подъемый, верныя во дни гонений добре окормлял еси. Темже и прещений безбожных не убоявся, даже до крове пострадал еси, отче священномучениче Владимире, моли Милостиваго Бога спастися душам нашим.
Слава
глас 7Оружием правды облеченный, страдания за веру мужески приял еси, и яко истинный воин Христов, мучителем противу стал еси, глаголя: привременно есть господство ваше. Мы же вопием ти: радуйся, священномучениче Владимире, во Царствии Небеснем венцем нетленным от Бога увенчанный.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
