глас 4
Днесь радостно ликует земля Брянская, прославляющи чада своя, Богу угодившия, святители и иереи, преподобныя отцы и матери, благоверныя князи и княгини, мученики и исповедники, к нимже с любовию возопиим: о соборе святый и полче божественный, земли нашея утверждение вы есте воистину.

Слава

глас 2
Заступницы теплии Брянския земли, святии сродницы наши, купно с Пресвятою Богородицею и всеми святыми Престолу Божию ныне предстояще, молитвами вашими Православие утвердите, ереси и расколы разорите, Отечеству нашему мир и душам нашим полезная испросите.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.