глас 8
От юности возлюбив Христа всем сердцем, преподобне, славу земную, яко преходящую, оставил еси и царство земное в ничтоже вменивше, лику инок радостно причелся еси и труды многими град Брянск, аки солнце пресветло, озарил еси. Тем быв Троицы украшение, моли, княже Олеже, Христа Бога спастися душам нашим.

Слава

глас 4
Уподобился еси плодоносней леторасли от корене честнаго, Олеже благородне, истину возлюбив и нетленный Христов живот. Темже молитвою и пощением светильник великий быв твоим учеником, просвети, блаженне, Отечество твое и спаси души наша.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.