глас 5Христа Господа Иисуса верная ученице, Пресвятыя Богородицы смиренная послушнице, преподобная страстотерпице Марие, легкое иго Христово вземшая, и язвы Господни любовию носящи, лествицею мучений к Нему, яко Небесному Жениху, востекла еси, Егоже моли сохранитися нам во благочестии и спастися душам нашим.
Слава
глас 4Яко крин багряновидный, посреде терний безбожия в земнем Отечестве твоем процвела еси, преподобномученице Марие честная, подвиги же воздержания страданием украсивши, яко голубица чистая в чертог Небеснаго Жениха возлетела еси, Иже увенча тя красотою славы нетленныя.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
