глас 3
Троицы Святыя служителю, земный Aнгеле и небесный человече, oптинскаго старчества преемниче, Христов священнотаинниче и исповедниче, Духа Святаго обитель всечестная, преподобне отче Севастиане, досточтиме, испроси мирови мир и душам нашим велию милость.

Слава

глас 3
В радость Господа Воскресшаго вшедшаго, преподобным Oптинским старцем сликовника, мучеников и исповедников сопричастника, священнотаинником Божиим сослужителя, земнаго Aнгела и небеснаго человека, града Караганды боголепное украшение, Казахстанския страны богомольца изряднаго, Церкве Русския достойную похвалу ублажим, вернии, заступника нашего и с веселием тому возопиим: радуйся, Севастиане, преподобне отче наш.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.