глас 5
Яко звезда путеводная и утешитель богомудрый в годину лютых испытаний явился еси, затворниче предивный отче Алексие, огнем бо веры распалаемь, любовь Христову стяжал еси, темже и, благодать Духа Святаго восприем, имя избранника Божия на патриарший престол жребием открыл еси. Ныне же, Святей Троице предстоя, моли спастися душам нашим.

Слава

глас 1
Благочестиваго корене отрасль святая, многими добродетельми от юности просиял еси, любовию Христовою уязвився, евангельски людем послужил еси, и, в пустыню Зосимову вселився, неоскудный источник благодати показался еси, преподобне старче наш Алексие, Церкве Русския украшение. Слава Давшему ти крепость, слава Избравшему тя, слава Действующему тобою всем исцеления.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.