глас 4
Днесь радостно ликует земля Липецкая, прославляющи новыя мученики своя, Тихона священнаго с супружницею Хиониею, крест свой с любовию подъемшия и за имя Христово пострадавшия. Тех молитвами, Долготерпеливе Господи, мир подаждь нам и спаси нас.

Слава

глас 8
Подвигом добрым подвизавшеся, христианскаго супружества образ явисте, и венцем победы увенчавшеся, во обители Небесныя преселистеся, священномучениче Тихоне и Хионие исповеднице. Темже, Престолу Святыя Троицы предстояще, молите спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.