глас 1
Небеснаго Царствия взыскуя, измлада о Горнем помышлял еси и, всею крепостию Бога возлюбив, благовестие Христово людем возвещал еси, во дни же гонений лютых сквозе огнь мучений победне прешел еси. Мы же, прославляюще тя, Германе прехвальне, сице тебе вопием: слава Давшему ти крепость, слава Венчавшему тя, слава Явльшему нам тя тепла предстателя.

Слава

глас 2
Словом Божиим наставляемь, святителю отче Германе, от юности Христу последовал еси, в годину же лютых испытаний непоколебимый щит веры явился еси, ныне, на Небесех Богу с лики мученик предстоя, моли спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.