глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Христа ради юродство приял еси, и мученическаго венца сподобился еси, и дар пророчества от Бога стяжал еси, за Негоже и заключение претерпел еси, святый блаженный Алексие, моли милостиваго Бога, грехов оставление нам даровати.

Слава

глас 4
На раскаленныя плинфы быв поставлен еси, паче всех Христа Бога возлюбил еси, и сердце мучителево любовию своею уязвил еси, о грядущем в его дом несчастье уведев еси. Святый блаженный Алексие, от наших домов молитвою своею напасти отжени и коварство духов злобы разори.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.