глас 4
Пастырю добрый и кроткий, Церкве Христовы верный служителю, паству твою Словом Жизни питая, лютых мучений не убоялся еси, смерть за Христа претерпевый, венца нетленнаго сподобился еси, священномучениче Василие, моли Христа Бога спастися душам нашим.

Слава

глас 3
Ревность о Бозе стяжав измлада, пастырства крест восприял еси, многия скорби и болезни в житии твоем претерпел еси, утешение в молитве обретая. Люди твоя в смутную годину добре упасл еси, слово истины усердно возвещая. Сего ради от безбожных мучителей люте гонимый, смерти временныя не устрашился еси. Священномучениче Василие, дерзновение к Богу имея, моли спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.