глас 4
На Святей горе Афонской духовне утвердився, яко звезда пресветлая во граде Москве просиял еси, Духа же Святаго благодать стяжав, мир Христов в души твоей восприял еси, преподобне отче Аристоклие, моли Христа Бога спастися душам нашим.

Слава

глас 8
Яко звезда на тверди небесней возсиял еси и, путь многотруднаго монашескаго жития прошед, подвигами добродетелей венец нетленный стяжал еси, темже и Христос Бог даром чудес обогати тя. Поминай нас, чтущих святую память твою, преподобне отче Аристоклие, горы Афонския похвало и земли Русския украшение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.